الفكرة الاولى

لو عايز تعرف خصائص ملف او خصائص مجلد او حتى خصائص النظام بتعمل ايه ؟

بتروح تنقر على الملف او المجلد او ماي كمبيوتر و تنقر بالزر اليمين للماوس بتقوم تظهر قائمة منسدلة

بتروح نااااازل لتحت في ديل القائمة و تنقر بالزر الشمال على كلمة خصائص

فبتظهر خصائص الملف او المجلد او النظام

تعالوا نلعب اللعبة دي على السريع

ازاي ؟

اضغط زر Alt في الكي بورد و انقر نقرتين بالزر الشمال على الملف الملف او الفولدر او ماي كمبيوتر

آهااااا ... بتظهر الخصائص

........

الفكرة التانية

لما بتيجي تختار مجموعة ملفات و عايز تنسخها او تنقلها من مكان لمكان تاني

احيانا بتظهر رسالة فيها خيارات ... Yes او Yes to all و انت بتقدر تنقر على الخيار المناسب

لكن في الحالة التانية بتظهر بس No و احيانا بنبقى عايزين نقول No to All نعمل ايه ؟

في الحالة دي بنفضل ضاغطين على زر Shift و ننقر زر No

اظن حلوة الحركة دي

..............

الفكرة التالتة

لما بنيجي نركب بعض البرامج بيبقى ييجي رسالة تقول اعمل ريستارت للجهاز طبعا علشان التغييرات اللي حصلت في الرجستري تاخد مكانها و تبدا تفاعلاتها

لكن لو عايزينها تاثيرها يوصل بدون ما نعمل ريستارت نعمل ايه ؟

نروح على الدسك توب و نعمل تحديث بضغط زر F5

ممكن الحركة اللي فاتت دي تطلع فشنك ... طيب نعمل ايه تاني ؟

نشغل التاسك مانجر بضغط توليفة الازرار Alt + Ctrl+ Del

نروح على العمليات Processes و نحدد Explorer.exe و نختار انهاء المهمة End Task

( لاحظ انه ها تختفي الايقونات اللي على سطح المكتب ) ( اوعى تتخض )

نهينا المهمة خلاص ؟

نرجع نشغل نفس المهمة ... ازااااي ؟

نروح على File و نختار New Task و نكتب في المستطيل اللي ها يطلع Explorer

كدا يبقى خلينا البرنامج اللي ركبناه من شوية اتستف تمام و مفاتيح الرجستري بتاعته بدا مفعولها

...